როგორც ყოველთვის ინტერნეტში დავძვრებოდი, ლინკიდან ლინკზე, გვერდიდან გვერდზე და ათასგვარი უსარგებლო ინფორმაციით ვივსებდი თავს, როდესაც საიდანღაც ეს ფოტო ამოხტა 🙂 და რა თქმა უნდა, მაშინვე ჩემი ყურადღება მიიპყრო. როგორც აღმოჩნდა მისი შემოქმედი არის სკულპტორი ჯეისონ დეკაირეს ტეილორი, ეს წყალქვეშა მუზეუმი კი მდებარეობს მექსიკაში. უნდა  აღინიშნოს რომ ქანდაკებების წყალქვეშ განთავსების იდეა სწორედ ავტორს ეკუთვნის. იგი ამბობს, რომ ამით სურდა ეჩვენებინა როგორ ჰარმონიულად შეიძლება ადამიანისა და ბუნების თანაცხოვრება და ეს არის ერთგვარი მოწოდება რომ გავუფრთხილდეთ იმ სამყაროს სადაც ჩვენ ვცხოვრობთ. ამ უნიკალური იდეის წყალობით ტეილორი მთელს მსოფლიოში ცნობილი ხელოვანი გახდა, მას ხშირად მოიხსენიებენ როგორც “Underwater Sculptor”. ამჟამად მუზეუმში 460 ფიგურაა განთავსებული, რომელსაც ვიზიტორები ნამდვილად არ აკლია, გასაკვირიც არაა, რომ ეს ჯადოსნური ადგილი ამდენი ადამიანის ინტერესს იწვევს, ჩვენ ხომ მუდმივად რაღაც ახალს ვეძებთ. თქვენი არ ვიცი და მე ფოტოების ნახვის შემდეგ ეს მუზეუმი ჩემს  ” აუცილებლად სანახავი ადგილებიი”-ს სიაში ჩავწერე:) ძალიან მომინდა თუნდაც რამდენიმე საათით მეც ვყოფილიყავი ამ “ჩუმი ევოლუციის” მაყურებელი. 

გიტოვებთ წყალქვეშა ქალაქის რამდენიმე ფოტოს ❤