Image

მე მივდივარ…

სახსოვრად გიტოვებ არდაბადებული გრძნობის ნაფლეთებს,

მთვარეს მივადგამ კიბეს რომ გავიდე ღრუბლებში,

თუ დაგაკლდები ცისარტყელაში მომძებნე ფერებად,

თუ მომინატრებ გვირილას კითხე ჩემზე.

ნუ გამომყვები,

ზღვის ქაფივით ჩუმად გაგიქრები თითებში,

გპირდები,

თუ მოვიწყინე დილის ნამად დავბრუნდები დედამიწაზე,

წასვლამდე კი, ეგოისტურად,

მაინც მინდა გიყვარდე…