გამარჯობა:)

დღეს მე პირველად ვწერ ჩემს ბლოგზე.

არააააააააა!!!

დღეს მე ბლოგერი ვხდები.

არც ეს!!!

ღმერთო, რა რთული ყოფილა პირველი წინადადების დაწერა, დაწყება, სწორი ფორმის შერჩევა. პირველი შთაბეჭდილება ხომ ძალიან მნიშვნელოვანია(ასე მასწავლეს). თავში უამრავი აზრი ირევა და კონცენტრირებას ვერ ვახერხებ, ვღელავ!!! ეს ხომ ჩემი ჩემი პირველი პოსტია:)

ახლა ძალიან მინდა წავშალო ის ყველაფერი რაც დავწერე, მაგრამ ამას არ გავაკეთებ, მინდა მაქსიმალურად გულწრფელი ვიყო, ყველანაირი კეკლუცობის გარეშე ვწერო იმაზე რაც მაწუხებს, მაინტერესებს. ამაზე შემდეგ, ახლა კი მინდა გაგაცნოთ ჩემს მიერ დანახული ჩემი თავი:

ქეთი, მეგობრებისთვის – ქეთო. მიყვარს ყავა, შოკოლადი და ცხენები, ვერ ვიტან თავხედ ადამიანებს, მაღიზიანებს როცა არ მისმენენ, ვთვლი რომ ლიბერალი ვარ, ვუსმენ ბევრნაირ მუსიკას, მაგრამ საყვარელ შემსრულებლად მაინც სტინგი რჩება. ჩემი ყველაზე დიდი გატაცება წიგნებია – ეს ნამდვილად ჩემი სამყაროა, რომელიც არასოდეს მბეზრდება. ხანდახან ძალიან მენატრება ის დრო როცა დენი ხშირად ქრებოდა:)  ლამპის შუქზე წაკითხული წიგნი და გულითადი საუბრები ოჯახის წევრებთან. ვაღიარებ, ცოტა რომანტიკოსი ვარ, ცოტა ეგოისტიც 🙂

კიდევ ბევრი რამ შემიძლია ვთქვა, ადამიანებს ხომ ასე ძალიან გვიყვარს საკუთარ თავზე ლაპარაკი და არასოდეს გვბეზრდება სარკეში ყურება:) თქვენი არ ვიცი და მე ასე ვარ:))))

მაგრამ ჯობია აქ დავამთავრო:)))

დღეს ხომ ბლოგერი ვხდები 🙂

წარმატებები მისურვეთ 🙂